paksahafat پاک صحافت
Related Articles
ژوب (پاک صحافت) وزیر اعظم شہباز شریف کا کہنا ہے کہ ملک بھر کے مدارس اسلامی تعلیمات کے فروغ کا اہم ذریعہ ہیں۔
تفصیلات کے مطابق دورہ بلوچستان کے دوران وزیراعظم شہباز شریف نے اتحاد تنظیمات مدارس کے وفد سے ملاقات کی اور علما کی خدمات کو سراہا۔ وفد سے گفتگو میں وزیراعظم نے کہا کہ مدارس معاشرے میں اسلامی تعلیمات کے فروغ کے لئے اہم کردار ادا کررہے ہیں، مدارس کو پاکستانی اور اسلامی این جی اوز کا نیٹ ورک کہا جا سکتا ہے، مدارس نے ہمیشہ پاکستان کے مفادات کا تحفظ کیا ہے۔
وزیراعظم شہبازشریف کا مزید کہنا تھا کہ مدارس میں طلبا کو مفت تعلیم، رہائش اور خوارک فراہم کی جاتی ہے، 40 سے 50 لاکھ طلبا مدارس میں زیر تعلیم ہیں، مدارس میں زیر تعلیم 50 لاکھ بچوں میں نصف طالبات ہیں، ملک بھر کے مدارس اسلامی تعلیمات کے فروغ کا اہم ذریعہ ہیں۔ انہوں نے کہا کہ حکومت کی خواہش ہے اس سماجی خدمت میں مدارس کے ساتھ تعاون کرے، حکومت مدارس میں جدید دور کے تقاضوں کے مطابق تعلیم کی فراہمی میں ہر ممکن تعاون کرے گی۔
