paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ ہم ہمیشہ سے سیاسی مذاکرات کے حامی رہے ہیں لیکن مشروط مذاکرات پر پی ڈی ایم اتحاد کبھی راضی نہیں ہوگا۔
تفصیلات کے مطابق وفاقی وزیر داخلہ رانا ثناءاللہ نے کہا ہے کہ مذاکرات کے حامی رہے ہیں لیکن مشروط مذاکرات پر اتحاد اتفاق نہیں کرے گا۔ عدم اعتماد پر جب کام جاری تھا تب بھی نئے انتخابات کی تجویز آئی تھی، اُس وقت اپوزیشن اتحاد نے اس تجویز کو قبول نہیں کیا تھا۔
رانا ثناءاللہ کا مزید کہنا ہے کہ شہباز شریف نے اسمبلی میں عمران خان کو میثاق معیشت کا کہا تھا، عمران خان تو اپوزیشن کے ساتھ بیھٹنے تک کیلئے تیار نہیں تھے، ہم کسی پیشگی شرط کے تحت مذاکرات پر تیار نہیں ہوں گے، انہوں نے کہا کہ ہم جب اپوزیشن میں تھے تو اس وقت عمران خان ہمارے ساتھ بات تک کرنے کو راضی نہیں تھے۔ اب ہم اس کیلئے تیار نہیں ہونگے کہ ہمیں مذاکرات کیلئے کسی پیشگی شرط کا کہا جائے۔
