paksahafat پاک صحافت
Related Articles
اسلام آباد (پاک صحافت) پاکستان مسلم لیگ ن کی مرکزی ترجمان مریم اورنگزیب طالبعلموں پر لاٹھی چارج کی شدید مذمت کرتے ہوئے وفاقی حکومت کو آڑے ہاتھوں لے لیا، مریم اورنگزی کا کہنا ہے کہ عمران صاحب کی حکومت لاٹھی چارج اور مقدمہ پہلے کرتی ہے، لوگوں کی بات بعد میں سنتی ہے۔
تفصیلات کے مطابق پاکستان مسلم لیگ ن کی ترجمان مریم اورنگزیب نے طالب علموں پر لاٹھی چارج کی شدید مذمت کرتے ہوئے کہا کہ انٹرمیڈیٹ کے طالب علموں کا مسئلہ حل کرنے کے بجائے ان پر تشدد کیا جارہا ہے جو اس حکومت کی سب سے بڑی کمزوری ہے۔
واضح رہے کہ ن لیگ کی مرکزی ترجمان مریم اورنگزیب نے اپنے بیان میں مزید کہا کہ طلبہ کو بٹھا کر ان کی تحمل سے بات سننے کے بجائے ان کو مارنا پیٹنا کون سی عقل مندی ہے۔مریم اورنگزیب نے کہا کہ جو حکومت اپنے بچوں پر لاٹھیاں برساتی ہے، یہ اس کے سب سے کمزور ہونے کی نشانی ہے۔
