paksahafat پاک صحافت
Related Articles
لاہور (پاک صحافت) لاہور ہائیکورٹ سے مسلم لیگ ن کو ایک اور بڑی کامیابی مل گئی ہے۔ عدالت نے ن لیگ کے مرکزی رہنما رانا ثناءاللہ کی مستقل ضمانت منظور کی ہے۔
تفصیلات کے مطابق لاہور ہائیکورٹ میں رانا ثناءاللہ کے متعلق آمدن سے زائد اثاثہ جات کیس کی سماعت ہوئی۔ اس موقع پر نیب کی لیگل ٹیم اور انوسٹی گیشن ٹیم بھی عدالت میں موجود تھی۔ نیب کے وکیل فیصل بخاری نے دلائل دیتے ہوئے کہا کہ رانا ثناءاللہ نے گزشتہ کئی سالوں سے غیرقانونی طریقے سے جائیداد بنائی ہے جبکہ ان کی آمدن اتنی نہیں جتنے اثاثے ہیں۔
لاہور ہائیکورٹ میں رانا ثناءاللہ کے وکیل نے دلائل دیتے ہوئے کہا کہ اتنا عرصہ گزرنے کے باوجود نیب کوئی ثبوت پیش نہیں کرسکی ہے جبکہ صرف مفروضوں پر یہ ساری کہانی بنائی گئی ہے۔ جس کا حقیقت سے کوئی تعلق نہیں ہے۔ عدالت نے دلائل سننے کے بعد رانا ثناءاللہ کی مستقل ضمانت منظور کرلی اور لیگی رہنما کو 50 لاکھ کے 2 مچلکے جمع کرانے کا حکم دیدیا۔
