paksahafat پاک صحافت
Related Articles
لاہور (پاک صحافت) وفاقی وزیر فواد چوہدری کی جانب سے مسلم لیگ ن کے رہنما رانا ثناء اللہ کے خلاف مقدمے کے اعلان کے بعد ان کا بھی شدید ردعمل سامنے آگیا ہے، لیگی رہنما کا کہنا ہے کہ فواد چوہدری دیر نہ کریں، میرے خلاف مقدمہ درج کروائیں، فواد چوہدری میرے خلاف مقدمے میں مدعی خود بنیں۔
تفصیلات کے مطابق پاکستان مسلم لیگ ن پنجاب کے صدر رانا ثناء اللہ نے فواد چوہدری کے بیان پر ردعمل دیتے ہوئے کہا کہ اپنے مؤقف پر قائم رہیں گے، دھمکیوں سے پیچھے نہیں ہٹیں گے۔ رانا ثنااللہ کا مزید کہنا تھا کہ سعد رضوی کے بیانات کا میرے بیانات اور عمران خان کے بیانات سے موازنہ کروائیں۔
واضح رہے کہ وفاقی وزیر اطلاعات و نشریات فواد چوہدری نے رانا ثنااللہ کے خلاف انسداد دہشتگردی قوانین کے تحت مقدمہ درج کروانے کے اعلان کیا ہے۔ فواد چوہدری کا کہنا ہے کہ رانا ثنا اللہ نے سرکاری افسران کے لیے شدت پسندوں والی زبان استعمال کی، یہ زبان بانی ایم کیوایم اور پھر شدت پسندوں نے استعمال کی، راناثنا اللہ کے خلاف کارروائی ہوگی۔
