paksahafat پاک صحافت
Related Articles
لاہور (پاک صحافت) حمزہ شہباز کا کہنا ہے کہ عمران نیازی کے لانگ مارچ کا اصل مقصد ملک میں فتنہ و فساد برپا کرنا ہے۔
تفصیلات کے مطابق مسلم لیگ ن کے نائب صدر حمزہ شہباز نے ایک بیان جاری کرتے ہوئے کہا ہے کہ عمران خان کی طرف سے اداروں پر دشنام طرازی کی مہم کے پیچھے غیرآئینی اقدام کی فرمائش نہ ماننا ہے۔ اللہ تعالی ارشد شریف کی مغفرت فرمائے اور ان کے درجات بلند فرمائے۔
حمزہ شہباز کا مزید کہنا ہے کہ ڈی جی آئی ایس آئی اور ڈی جی آئی ایس پی آر کی پریس کانفرنس نے واقعہ کے کئی پہلوئوں پر سوال اٹھا دیے ہیں۔ امید ظاہر کی کہ تحقیقات سے حقائق قوم کے سامنے آجائیں گے۔ انہوں نے کہا کہ پریس کانفرنس سے عمران نیازی اور اس کے جھوٹے بیانیے کے پائوں بھی کٹ گئے ہیں۔ عمران نیازی اور اس کی جماعت ارشد شریف کے جسد خاکی پر سیاست چمکاتے رہے، ان کی دو رخی سیاست طشت ازبام ہوگئی ہے۔ عمران نیازی کا اصل چہرہ قوم کے سامنے آچکا ہے۔
