paksahafat پاک صحافت
Related Articles
اسلام آباد (پاک صحافت) حافظ حمداللہ کا کہنا ہے کہ عمران نیازی کا ریاستی اداروں سے سیاست میں مداخلت کا مطالبہ آئین سے انحراف ہے، وہ ہمیشہ اداروں کی توہین و تضحیک کرتے رہے ہیں۔
تفصیلات کے مطابق پی ڈی ایم کے ترجمان حافظ حمداللہ نے کہا ہے کہ ادارے نیوٹریلٹی کا فیصلہ کرچکے ہیں جو کہ آئینی تقاضا ہے، ادارے آئین پاکستان کے تابع ہیں، عمران نیازی کے نہیں، عمران نیازی سابق ڈپٹی اسپیکر، اسپیکر قومی اسمبلی اور صدر عارف علوی سمیت آئین شکن ثابت ہوئے ہیں۔
حافظ حمداللہ کا مزید کہنا ہے کہ پی ڈی ایم کا فیصلہ ہے کہ پاکستان کے استحکام کے لیے عمرانی فتنے کا خاتمہ ضروری ہے، ملکی سالمیت اور بقاء عوامی راج، آئین کی بالادستی اور پارلیمنٹ کی سپریمیسی میں ہے۔ انہوں نے کہا کہ آئین، قانون، جمہوریت اور پارلیمنٹ کی بالادستی پر کمپرومائز کا سوال پیدا نہیں ہوتا، عمران نیازی ملک کو بنی گالہ نہ سمجھیں یہ 22 کروڑ عوام کا ملک ہے۔
