paksahafat پاک صحافت
Related Articles
اسلام آباد (پاک صحافت) وزیراعظم شہباز شریف کا کہنا ہے کہ علی موسی گیلانی کی جیت پوری پی ڈی ایم کی فتح ہے۔
تفصیلات کے مطابق وزیراعظم شہباز شریف نے سابق وزیراعظم سید یوسف رضا گیلانی کو فون کرکے قومی اسمبلی کے ضمنی انتخاب میں علی موسی گیلانی کی جیت پر یوسف رضا گیلانی کو مبارکباد دی ہے۔ ان کا کہنا تھاکہ علی موسی گیلانی کی جیت پی ڈی ایم کی مشترکہ جیت ہے۔
ذرائع کے مطابق وزیراعظم شہباز شریف نے علی موسی گیلانی سے بھی ٹیلی فون پر بات کی اور کہا کہ ملتان کے عوام نے ایک بار پھر گیلانی خاندان پر اعتماد کا اظہار کیا ہے۔ یوسف رضا گیلانی نے فون کرکے مبارک باد دینے پر وزیراعظم کا شکریہ ادا کیا۔ خیال رہے کہ گزشتہ روز ملتان میں قومی اسمبلی کے حلقہ این اے 157 میں پیپلزپارٹی کے امیدوار علی موسیٰ گیلانی نے شاہ محمود قریشی کی بیٹی و پی ٹی آئی امیدوار مہر بانو کو شکست دی تھی۔
