paksahafat پاک صحافت
Related Articles
اسلام آباد (پاک صحافت) شیریں مزاری نے گزشتہ روز قومی اسمبلی میں پی ٹی آئی اراکین کی جانب سے ہنگامہ آرائی کا اعتراف کرتے ہوئے کہا ہے کہ ہمیں اتنا ہنگامہ نہیں کرنا چاہئے تھا۔
تفصیلات کے مطابق وزیر دفاع پرویز خٹک کی سربراہی میں پی ٹی آئی پارلیمانی پارٹی کا اجلاس منعقد ہوا۔ اجلاس میں شیریں مزاری نے کہا کہ ہمیں اتنا ہنگامہ نہیں کرنا چاہئے تھا جس پر علی اعوان اور ان کے درمیان تلخ کلامی بھی ہوئی۔
پی ٹی آئی پارلیمانی پارٹی کے اجلاس میں علی اعوان کا کہنا تھا کہ وہ ہماری خواتین کو گالی دیں، زخمی کریں اور ہم خاموش رہیں۔ شاہد خٹک نے کہا کہ اپوزیشن کی تنقید ضرور سنیں گے مگر توہین برداشت نہیں کریں گے۔ اجلاس میں فیصلہ کیا گیا کہ بجٹ پاس کرانا حکومت کی ذمہ داری ہے، افہام و تفہیم کیساتھ چلنا چاہئے، بجٹ اجلاس کے دوران جارحانہ حکمت عملی کی بجائے ہفاہمتی پالیسی اپنائی جائے۔
