paksahafat پاک صحافت
Related Articles
وزیراعظم عمران خان نے شیخ رشید کی دیرینہ خواہش پوری کردی کیونکہ شیخ رشید نے حکومت بنتے ہی وزارت داخلہ کا قلمدان مانگا تھا۔
ذرائع کا کہنا ہے کہ وزیراعظم نے تجربے کی بنیاد پر شیخ رشید کو وزیر ریلوے بنایا تھا اور وزیراعظم کے سابق معاون خصوصی نعیم الحق نے شیخ رشید کو وزارت ریلوے لینے پر آمادہ کیا تھا۔
وزیراعظم عمران خان سے وفاقی وزیر شیخ رشید نے ملاقات کرکے وزیر داخلہ کی ذمہ داریاں سونپنے پر ان کا شکریہ ادا کیا ہے۔
شیخ رشید نے کہا کہ انتہائی اہم ذمہ داری کو بخوبی نبھانے کی کوشش کروں گا، دونوں رہنماؤں کے درمیان ملاقات میں اپوزیشن کے جلسے، استعفے اور لانگ مارچ پر بھی تبادلہ خیال کیا گیا۔
ذرائع کے مطابق وزیراعظم عمران خان نے شیخ رشید کو حکومت مخالف اتحادپی ڈی ایم تحریک سے نمٹنے کا ٹاسک سونپ دیا ہے۔
واضح رہے کہ شیخ رشید احمد نے حکومت بنتے ہی وزارت داخلہ کا قلمدان مانگا تھا، وزیراعظم عمران خان نے آج ان کی دیرینہ خواہش پوری کی ہے، اس وقت وزیراعظم عمران خان کے سابق معاون خصوصی نعیم الحق نے شیخ رشید کو وزارت ریلوے پر منایا تھا۔
