paksahafat پاک صحافت
Related Articles
لاہور (پاک صحافت) لاہور میں ایران کے قونصل جنرل محمد رضا ناظری نے ن لیگ کے صدر شہباز شریف سے ایک اہم ملاقات کی ہے۔ جس میں مختلف امور پر تبادلہ خیال کیا گیا۔
تفصیلات کے مطابق ملاقات میں مسلم لیگ ن کے صدر اور قومی اسمبلی میں اپوزیشن لیڈر شہباز شریف نے دونوں ہمسایہ ممالک کی تاریخی، ثقافتی، عوامی اور مذہبی اور جغرافیائی مشترکات کا حوالہ دیا اور کہا کہ پاکستان کے ایران کے ساتھ تعلقات انتہائی اہم ہیں۔ شہباز شریف نے دونوں ممالک بشمول صوبہ پنجاب اور ایران کے صوبوں کے درمیان تعلقات کی اہمیت کا ذکر کرتے ہوئے کہا کہ شہری انتظام اور بنیادی ڈھانچے کی ترقی میں اسلامی جمہوریہ کی پیشرفت بہت حوصلہ افزا ہے اور پاکستان کو اس موقع سے فائدہ اٹھانا چاہیے۔
ملاقات میں ایرانی قونصل جنرل محمد رضا ناظری نے کہا کہ ہمسایہ ممالک کے ساتھ تعلقات کو فروغ دینے کے لیے 13ویں ایرانی حکومت کی سٹریٹجک پالیسی اور دوسری طرف سے پاکستان کو ایندھن اور توانائی کی ضرورت کے باوجود موجودہ صورت حال ایران سے پاکستان کو گیس کی منتقلی کے منصوبے کو آگے بڑھانے کے ساتھ ساتھ تجارتی اور اقتصادی تعلقات کو بڑھانے کا ایک اچھا موقع ہے۔
