paksahafat پاک صحافت
Related Articles
اسلام آباد (پاک صحافت) پاکستان مسلم لیگ ن کےسینئر نائب صدر شاہد خاقان عباسی نے بڑا مطالبہ کر دیا، سابق وزیراعظم شاہد خاقان عباسی کا کہنا ہے کہ ہمارا مطالبہ ہے ملک آئین کے مطابق چلایا جائے۔ شاہد خاقان عباسی کاکہنا ہے کہ قائد حزب اختلاف کے ساتھ جو ہوا اس کی دنیا میں مثال نہیں ملتی۔
تفصیلات کےمطابق مسلم لیگن کے رہنما اور سابق وزیراعظم شاہد خاقان عباسی کا کہنا ہے کہ ہمارا مطالبہ ہے ملک آئین کے مطابق چلایا جائے۔ پاکستان ڈیموکریٹک موومنٹ سے متعلق گفتگو کرتے ہوئے انہوں نے کہا کہ پی ڈی ایم اے میں تمام سوچ و فکر کی جماعتیں ہیں ،تمام جماعتیں پاکستان کو آئین کے مطابق چلانے کے حق میں ہیں۔
واضح رہے کہ اپوزیشن رہنماؤں نے پارلیمنٹ ہاؤس کے سامنے پریس کانفرنس کی، اس موقع پر شاہد خاقان عباسی نے کہا کہ قومی اسمبلی میں اپوزیشن نے جو احتجاج کیا اس سے کم شدت کا احتجاج کبھی نہیں ہوا۔ شہباز شریف کی تقریر روکنے سے متعقل انہوں نے کہا کہ اپوزیشن لیڈر کے ساتھ جو ہوا اس کی دنیا میں مثال نہیں ملتی۔
