paksahafat پاک صحافت
Related Articles
کراچی (پاک صحافت) سندھ حکومت کی جانبس ے کنجھر جھیل پر عالمی معیار کا سیاحتی مرکز بنانے کا فیصلہ کیا گیا ہے۔ ذرائع کے مطابق وزیر توانائی سندھ امتیاز شیخ کی زیر صدارت اسٹیئرنگ کمیٹی کا اجلاس ہوا جس میں انہوں نے کہا کہ حکومت کینجھر جھیل کو پرکشش سیاحتی مرکز بنانے کے لیے پُر عزم ہے۔
تفصیلات کے مطابق وزیر توانائی سندھ امتیاز شیخ نے کہا ہے کہ سیاحتی مرکز پر سیاحوں کو تمام جدید سہولیات فراہم کی جائیں گی۔ ان کا کہنا تھا کہ کینجھر جھیل 24 کلو میٹر رقبے پر محیط ہے، کینجھر جھیل ریزورٹ کی تعمیر کے لیے مناسب جگہ کا تعین کیا جارہا ہے۔
واضح رہے کہ اجلاس میں کہا گیا کہ کینجھر جھیل ریزورٹ جدید ترین سہولیات سے آراستہ ہوگا، جو ملکی و غیرملکی سیاحوں کے لئے تفریح کا نیا مقام ہوگا۔ صوبائی وزیر توانائی نے کہا کہ یہ ریزورٹ روزگار، کاروبار، زرمبادلہ کمانے کا ذریعہ ہوگا۔
