paksahafat پاک صحافت
Related Articles
کراچی (پاک صحافت) وزیر اعلیٰ سندھ سید مراد علی شاہ کا کہنا ہے کہ سب سے بڑا چیلنج غربت کا خاتمہ، اچھی صحت، معیاری تعلیم اور صاف پانی کی فراہمی ہے جبکہ سندھ حکومت ان مسائل کے حل کے لیے بھرپور کام کررہی ہے۔ وزیر اعلیٰ سندھ کا کہنا ہے کہ سندھ حکومت اپنے پارٹنرز کے ساتھ عوام کی ہر سطح پر بہتری کے لیے کوشاں ہے۔
تفصیلات کے مطابق وزیراعلیٰ سندھ سید مراد علی شاہ سے یونائیٹڈ نیشن ڈیولپمنٹ پروگرام (یو این ڈی پی) کے وفد کی ملاقات ہوئی ہے۔ اس موقع پر ایس جی ڈیز پر عملدرآمد کرانے کے لیے 594 ملین روپے مختص کیے گئے ہیں جبکہ سندھ میں 17 سیکٹرز میں ایس جی ڈیز پر امپلیمنٹ کیا جائے گا۔ وزیراعلیٰ سندھ سید مراد علی شاہ نے کہا کہ ان مقاصد کو حاصل کرنے کے لیے متعلقہ ادارے پی اینڈ ڈی کی رہنمائی میں کام کررہی ہیں۔
واضح رہے کہ ملاقات کے دوران سسٹین ایبل ڈیولپمنٹ گولز 2030-2022 ( ایس ڈی جیز ) کے حوالے سے پالیسی اور پلاننگ پر غور کیا گیا جبکہ اجلاس کو بتایا گیا کہ سندھ حکومت نے ایس ڈی جیز پر عملدرآمد کرانے کے لیے پی اینڈ ڈی ڈپارٹمنٹ میں یونٹ قائم کیا ہے۔ ذرائع کے مطابق یو این ڈی پی کے ریزیڈنٹ ری پریزنٹیٹیو نے وزیراعلیٰ سندھ کو یقین دلایا کہ وہ سندھ حکومت کے ایس ڈی جیز کی امپلیمنٹیشن کے لیے بھرپور سپورٹ کریں گے۔
