paksahafat پاک صحافت
Related Articles
پشاور (پاک صحافت) جمعیت علمائے اسلام (جو یو آئی) ف کے مرکزی سیکرٹری جنرل مولانا عبدالغفور حیدری نے کہا ہے کہ سابقہ حکومت ہمارے لئے گڑھے کھود کر گئی، جس کا پی ٹی آئی والوں نے بھی اعتراف کیا ہے۔عمران خان کی حکومت نے جاتے جاتے ملک میں سرنگیں بچھائیں اور ملک کو دیوالیہ بنادیا۔
تفصیلات کے مطابق عبدالغفور حیدری نے کہا کہ عمران خان نے معشیت کو تباہ کیا،اب ملک کو ٹریک پر لانے کے لئے کچھ وقت درکارہے۔ کا کہنا تھا کہ حکومت مہنگائی کو کنٹرول کرنے کے لئے اقدامات کر رہی ہے، مہنگائی کم کرنے کے لئے ہمارے پاس کوئی جادو کی چھڑی نہیں ہے جب ڈالر کا ریٹ کم ہوگا،تو مہنگائی کم ہوگی۔
واضح رہے کہ جے یو آئی رہنما عبدالغفور حیدری نے مزید کہاکہ ملک کا گرے لسٹ سے نکلنا اتحادی حکومت کی کامیابی ہے اور اب جس مشن پر ہم کام کر رہے ہیں ہمیں کامیابی ہوگی۔ انہوں نے یہ بھی کہا کہ ہماری خواہش ہے کہ حکومت اپنی مدت پوری کرے۔
