paksahafat پاک صحافت
Related Articles
اسلام آباد (پاک صحافت) وزیر خارجہ بلاول بھٹو کا کہنا ہے کہ ہم رواداری اور مساوات پر مبنی معاشرے کے قیام کی جدوجہد جاری رکھیں گے۔
تفصیلات کے مطابق چیئرمین پیپلزپارٹی و وزیر خارجہ بلاول بھٹو زرداری نے دیوالی پر پیغام جاری کرتے ہوئے ہندو برادری کو روشنیوں کے تہوار دیوالی کی مبارکباد پیش کی ہے۔ ان کا کہنا ہے کہ دیوالی کا تہوار معاشرے میں برائی پر اچھائی کی فتح کی علامت ہے اور جھوٹ کتنا ہی طاقتور کیوں نہ ہو، سچ کے ہاتھوں شکست اس کا مقدر ہی ہوتا ہے۔
بلاول بھٹو کا مزید کہنا ہے کہ 1973 کا آئین ملک کے ہر شہری کو یکساں حقوق اور مذہبی آزادی کی ضمانت دیتا ہے اور پاکستان پیپلز پارٹی تمام اقلیتوں کی بھی نمائندہ جماعت ہے۔ پی پی پی اقلیتوں کے حقوق کے حوالے سے کبھی رتی برابر بھی مصلحت کا شکار نہیں ہوئی ہے۔ انہوں نے کہا کہ دنیا میں بین المذاہب ہم آہنگی کو فروغ دینے کے لیے سب کو اپنا اپنا کردار ادا کرنا ہوگا تاکہ یہ کرہِ ارض امن اور بھائی چارے کا گہوارہ بن جائے۔ پاکستان پیپلزپارٹی اقلیتوں کے حقوق کی حفاظت کرتی رہے گی۔
