paksahafat پاک صحافت
Related Articles
لاہور (پاک صحافت) آصف زرداری نے خیبرپختونخوا کے جیالوں کو خوشخبری سناتے ہوئے کہا ہے کہ جیالوں کے جذبہ اور محنت سے وزیراعلی اور گورنر جیالا ہوگا۔
تفصیلات کے مطابق پیپلزپارٹی کے شریک چیئرمین اور سابق صدر آصف علی زرداری نے پشاور میں یوم تاسیس کی مناسبت سے منعقدہ جلسے کی کامیابی پر کارکنوں کو خراج تحسین پیش کیا ہے۔ انہوں نے کہا کہ آج مجھے لاہور میں بیٹھ کر پشاور میں بھٹو کے نعروں کی گونج سنائی دی۔ جیئے بھٹو کا نعرہ ہماری طاقت اور مخالفین کیلئے مایوسی اور شکست کی علامت ہے۔
آصف زرداری کا مزید کہنا ہے کہ بھٹو شہید کی طرح ان کے سیاسی جانشین عوام سے عشق کرتے ہیں۔ خیبرپختونخوا کے عوام اور بھٹو کا رشتہ تین نسلوں سے ہے۔ قوم مایوس نہ ہو پیپلزپارٹی میدان میں ہے جو قوم کو کبھی مایوس نہیں کرے گی۔ پختون کو شناخت مل چکی، پیپلزپارٹی پختون نوجوانوں کو روشن مستقبل دے گی۔
