paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ خواتین کے متعلق وزیراعظم کا بیان غیرذمہ دارانہ اور قابل مذمت ہے۔ انہیں حق نہیں کہ وہ خواتین پر الزام تراشی کریں۔
تفصیلات کے مطابق پیپلزپارٹی کی رہنما شیری رحمان نے وزیراعظم عمران خان کی جانب سے خواتین کے لباس کے متعلق بیان پر ردعمل کا اظہار کرتے ہوئے کہا ہے کہ وزیراعظم کا بیان سن کر صدمہ ہوا ہے۔ انہوں نے اپنے بیان کے ذریعے خواتین پر ظلم کرنے والوں کے لئے نیا جواز فراہم کیا ہے۔
رہنما پی پی شیری رحمان کا مزید کہنا ہے کہ کسی بھی وزیراعظم کو یہ حق نہیں کہ وہ خواتین کے متعلق اس طرح کی بات کرے۔ جنسی جرائم یا تشدد کا الزام خواتین اور ان کے لباس پر عائد نہیں کیا جاسکتا ہے۔
Short Link
Copied
