paksahafat پاک صحافت
Related Articles
لاہور (پاک صحافت) راجہ پرویز اشرف کا کہنا ہے کہ عوام کے صبر کا پیمانہ لبریز ہوچکا ہے، دن بدن بڑھتی ہوئی مہنگائی اور بے روزگاری مزید برداشت نہیں کی جاسکتی، حکمران اپنا بستر باندھ کر گھر جانے کی تیاری کریں۔
تفصیلات کے مطابق سابق وزیراعظم اور پیپلزپارٹی کے رہنما راجہ پرویز اشرف نے کہا ہے کہ حکومت خارجہ اور داخلہ محاذ پر ناکام نظر آتی ہے، قومی بینک کو اربوں روپے کے جرمانے سے منی لانڈرنگ کے خلاف کوششوں کو دھچکہ لگا، اقدام ایسے وقت میں ہوا جب وزیراعظم روس کے دورے پر ہیں۔
راجہ پرویز اشرف کا مزید کہنا ہے کہ وزیر خزانہ اور گورنر اسٹیٹ بینک پارلیمنٹ کو وضاحت دیں، امریکی اقدام سے اسٹاک مارکیٹ کریش ہوئی، مہنگائی کا نیا طوفان آئے گا۔ انہوں نے کہا کہ نکموں کے ٹولے نے ملک کو عالمی تنہائی میں دھکیل دیا ہے۔ پیپلز پارٹی اپوزیشن سے ملکر نالائقوں کے ٹولے کو گھر بھیجے گی۔
