paksahafat پاک صحافت
Related Articles
نارووال (پاک صحافت) احسن اقبال کا کہنا ہے کہ جب پاک فوج نے ہی سب کچھ کرنا ہے تو سول ادارے کس کام کے ہیں۔ حکومت کی جانب سے کورونا کے خلاف جنگ میں فوج کی تعیناتی غلط اقدام ہے۔
تفصیلات کے مطابق مسلم لیگ ن کے رہنما احسن اقبال نے ذرائع ابلاغ کے نمائندوں سے گفتگو کرتے ہوئے کہا ہے کہ حکومت عوام کو کورونا ویکسین فراہم کرنے اور احتیاطی تدابیر پر عمل کرنے میں مکمل طور پر ناکام ہوگئی ہے۔ حکومت کے پاس عوام کی ویکسین کے لئے پیسے نہیں لیکن وزیراعظم اور وزراء کی عیاشی کے پیسے ہیں۔
رہنما ن لیگ احسن اقبال کا مزید کہنا ہے کہ حکومت نے سول مشینری کو مخالفین کے خلاف جھوٹے مقدمات بنانے پر لگایا ہوا ہے، آج ہمیں اشتہار دینا پڑے گا کہ حکومت کدھر ہے۔ کورونا کے باعث سیاسی سرگرمیوں کو محدود کر رکھا ہے مگر پی ڈی ایم کی تحریک پر زور طریقے سے آگے بڑھے گی۔
Short Link
Copied
