paksahafat پاک صحافت
Related Articles
کراچی (پاک صحافت) شازیہ مری کا کہنا ہے کہ ملک میں جب بھی شفاف الیکشن ہوئے تو بلاول بھٹو ہی اکثریت حاصل کرکے وزیراعظم منتخب ہوں گے۔ لیکن پی ٹی آئی ابھی سے دھاندلی کی تیاری کررہی ہے۔
تفصیلات کے مطابق پیپلزپارٹی کی رہنما شازیہ مری نے ذرائع ابلاغ کے نمائندوں سے گفتگو کرتے ہوئے کہا ہے کہ ای وی ایم مشین پر الیکشن کمیشن اپنے37 تحفظات دے چکا ہے، ای وی ایم مشین میں جب بیلٹ کی سیکریسی نہیں رہے گی تو کیسے شفاف انتخابات ہوسکتے ہیں۔
رہنما پی پی پی شازیہ مری کا مزید کہنا ہے کہ الیکشن کمیشن کے اعتراضات ختم کیے بغیر قانون سازی نہیں ہوسکتی، جو منصوبہ بندی کی جا رہی ہے وہ سیاست دانوں کو ختم کرنے کے لیے کی جا رہی ہے۔ اس معاملے پر سب سیاسی جماعتوں کو متحد ہونا پڑے گا۔ انہوں نے کہا کہ ہمیں اپنے لئے نہیں بلکہ عوامی مسائل کے حل کے لئے حکومت چاہئے جس کے لئے ہم بھرپور تیاری کررہے ہیں۔
