paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ دہشت گردوں کی جانب سے جامعہ کراچی میں جو خودکش حملہ کیا گیا وہ پاک چین دوستی پر حملہ ہے، ملوث افراد کے ساتھ سختی سے نمٹایا جائے گا۔
تفصیلات کے مطابق وفاقی وزیر داخلہ رانا ثناءاللہ نے نجی ٹی وی چینل کے ساتھ گفتگو کرتے ہوئے کہا ہے کہ دہشت گردی کی تحقیقات سے عظیم دوست چین کو مکمل طور پر آگاہ رکھا جائے گا۔ جامعہ کراچی خود کش حملہ پاک چین دوستی پر حملہ ہے، پوری قوت سے اس سے نمٹیں گے۔
وفاقی وزیر داخلہ رانا ثناءاللہ کا مزید کہنا تھا کہ پورا پاکستان اپنے چینی بھائیوں سے بھرپور یکجہتی کرتا ہے، یہ ہمارا مشترکہ غم ہے۔ چینی باشندوں کی سکیورٹی کے تمام آپریٹس کا ازسرنو جائزہ لیں گے اور باریک بینی سے ہر پہلو کی جانچ کریں گے جس کے بعد موثر اقدامات کریں گے۔
Short Link
Copied
