paksahafat پاک صحافت
Related Articles
لاہور (پاک صحافت) وزیر اعظم شہباز شریف نے سابق چیف جسٹس ثاقب نثار کو سخت تنقید کا نشانہ بناتے ہوئے کہا کہ کہیں ن لیگ نہ جیت جائے اس لیے سابق چیف جسٹس ثاقب نثار نے 2018 سے پہلے ہمارے منصوبوں پر پابندیاں لگائیں۔
تفصیلات کے مطابق وزیر اعظم شہباز شریف نے لاہور میں شاہدرہ فلائی اوور منصوبے کی تقریب سے خطاب کرتے ہوئےکہا کہ ثاقب نثار نے اورنج لائن ٹرین منصوبے پر بھڑاس نکالی، منصوبے کے خلاف پی ٹی آئی کی درخواست پر 11 ماہ تک کیس سنا اور کارروائی مکمل ہونے کے 8 ماہ بعد تک فیصلہ نہ دیا۔ ثاقب نثار راستہ نہ روکتے تو الیکشن میں ن لیگ کے وارے نیارے ہوتے۔
واضح رہے کہ وزیر اعظم شہباز شریف نے مزید کہا کہ اس وقت کے چیف جسٹس ثاقب نثار نے 56 کمپنیوں پر پابندیاں لگا دی تھیں، انہوں نے عوامی فلاح کے ہر منصوبے پر پابندی لگائی، نواز شریف اور میرے دور میں ترقی اور خوشحالی کا سفر جاری تھا، بدنصیبی سے ہماری حکومت کو نظر لگ گئی۔
