paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ پی ٹی آئی کی نااہل، نالائق اور تباہی سرکار ملک بھر میں بڑھتی ہوئی مہنگائی کو کنٹرول کرنے میں مکمل طور پر ناکام ہوگئی ہے۔
تفصیلات کے مطابق پیپلزپارٹی کی نائب صدر شیری رحمان نے سماجی رابطے کی ویب سائٹ پر ایک بیان جاری کرتے ہوئے کہا ہے کہ 1.10 فیصد اضافے کے ساتھ ہفتہ وار مہنگائی کی شرح 15.67 فیصد ہو چکی ہے۔ ایک ہفتے میں آٹے اور گھی سمیت 25 اشیائے ضروریہ کی قیمتوں میں اضافہ دیکھا گیا ہے۔
شیری رحمان کا مزید کہنا ہے کہ بنی گالا میں سب اچھے کی رپورٹ ہے، پہلے ہی مہنگائی عروج پر تھی اب رمضان المبارک کی آمد پر بنیادی اشیاء کی قیمتوں میں اضافہ ہو رہا ہے۔ حکومت کا کام صرف رمضان سبسڈی کا اعلان کرنا نہیں ہوتا۔ انہوں نے کہا کہ ایسا لگتا ہے ملک بنا کسی معاشی پالیسی کے چل رہا ہے، قرضے لینا اور قیمتیں بڑھانا ہی معاشی پالیسی نہیں ہوتی۔
