paksahafat پاک صحافت
Related Articles
اسلام آباد (پاک صحافت) عالمی مالیاتی ادارے (آئی ایم ایف) نے پاکستان کے کیے گئے فیصلوں پر اطمینان کا اظہار کر دیا ہے۔
تفصیلات کے مطابق آئی ایم ایف اور وزارت خزانہ کے حکام کے درمیان ورچوئل مذاکرات جاری ہیں، پاکستان، آئی ایم ایف کے درمیان مذاکرات مثبت سمت میں آگے بڑھ رہے ہیں۔ اسٹیٹ بینک نے جون تک پاکستان کو 10 ارب ڈالر کی فنڈنگ سے آگاہ کر دیا، پہلی بار تمام اہداف کے حصول پر آئی ایم ایف کا نیا مطالبہ سامنے نہیں آیا۔
ذرائع وزارت خزانہ کا کہنا ہے کہ پاکستان کافی ڈو مور کرچکا، کوئی ایسی شرط نہیں جس پر عملدرآمد نہ ہوا ہو۔ پاکستان نے مؤقف دیا کہ آئی ایم ایف کے اسٹاف لیول معاہدے سے قبل پیشگی اہداف بھی حاصل کرچکے۔ پاکستان نے آئی ایم ایف کو اسٹاف لیول معاہدہ جلد سے جلد کرنے پر اصرار کیا ہے۔
وزارت خزانہ کے ذرائع کا کہنا ہے کہ چین کے قرض کے رول اوور نے زرمبادلہ ذخائر بہتر کر دیے، مزید رقم 800 ملین ڈالر مارچ میں آجائے گی۔ زر مبادلہ ذخائر بہتر ہونے سے آئی ایم ایف کی آخری پیشگی شرط بھی پوری ہوگئی۔
