paksahafat پاک صحافت
Related Articles
اسلام آباد (پاک صحافت) الیکشن کمیشن نے کراچی میں ہونے والے بلدیاتی انتخابات کے دوران متنازع نتائج کا شکار ہونے والی 6 یونین کونسلز میں ووٹوں کی دوبارہ گنتی کا حکم دے دیا ہے۔
تفصیلات کے مطابق الیکشن کمیشن نے جماعت اسلامی کی درخواستوں پر محفوظ شدہ فیصلہ سناتے ہوئے کہا کہ دوبارہ گنتی مومن آباد کی یو سی 3 اور منگھوپیر یوسی 12 میں ہوگی۔ الیکشن کمیشن کے فیصلے میں کہا گیا ہے کہ ضلع شرقی کے علاقے گلشن اقبال کی یوسی 1، اورنگی کی یوسی 3، 7 اور 8 میں بھی ووٹوں کی دوبارہ گنتی ہوگی۔
یاد رہے کہ جماعت اسلامی نے کراچی میں 16 جنوری کو ہونے والے بلدیاتی الیکشن میں 6 یونین کونسلز کے نتائج الیکشن کمیشن میں چیلنج کیے تھے۔ کراچی میں ہونے والے بلدیاتی انتخابات کے اب تک کے غیر حتمی اور غیر سرکاری نتائج کے مطابق پیپلز پارٹی 83 نشستوں کے ساتھ سر فہرست ہے جبکہ جماعت اسلامی 82 نشستوں کے ساتھ دوسرے اور پاکستان تحریک انصاف 40 نشستوں کے ساتھ تیسرے نمبر پر ہے۔
مسلم لیگ ن نے 5 اور جمعیت علمائے اسلام پاکستان نے 3 نشستوں پر کامیابی حاصل کی جبکہ ایک سیٹ آزاد امیدوار کے حصے میں آئی۔
