paksahafat پاک صحافت
Related Articles
اسلام آباد (پاک صحافت) الیکشن کمیشن آف پاکستان نے پنجاب میں بلدیاتی انتخابات اپریل کے آخری ہفتے کرانے کا فیصلہ کرلیا ہے۔
تفصیلات کے مطابق چیف الیکشن کمشنر سکندر سلطان راجہ کی زیرصدارت اجلاس ہوا، دوران بریفنگ بتایا گیا کہ پنجاب بلدیاتی اداروں کی معیاد یکم جنوری 2022 کو ختم ہوچکی ہے، الیکشن کمیشن تیسری دفعہ حلقہ بندیوں کے کام کا آغاز کرنے جارہا ہے، انتخابات کیلئے تاریخ پر صوبائی حکومت کے نمائندگان سے مشاورت کی جائے۔
ذرائع کے مطابق نمائندہ پنجاب حکومت نے کہا کہ ڈرافٹ رولز کابینہ کی آئندہ میٹنگ میں رکھے جائیں گے، رولز کی منظوری کے بعد ان کی کاپیاں الیکشن کمیشن کو مہیا کی جائیں گی۔ چیف الیکشن کمشنر سکندر سلطان راجہ نے کہا کہ الیکشن کمیشن تمام صوبوں میں بلدیاتی انتخابات کرواچکا یا کروانے والا ہے، اسلام آباد الیکشن شیڈول دے چکا ہے، صرف پنجاب باقی ہے جہاں انتخابات کا انعقاد ممکن نہیں ہوسکا۔
