paksahafat پاک صحافت
Related Articles
نیویارک (پاک صحافت) وزیر خارجہ بلاول بھٹو نے دوٹوک الفاظ میں کہا ہے کہ اسرائیل کیلئے جانی والی ٹرپ سے حکومت کا کوئی تعلق نہیں ہے۔
تفصیلات کے مطابق وزیر خارجہ بلاول بھٹو نے اقوام متحدہ کے میڈیا سنٹر میں پریس کانفرنس سے خطاب کرتے ہوئے واضح کیا ہے کہ اسرائیل کیلئے جانی والی ٹرپ سے حکومت کا کوئی تعلق نہیں، جب تک فلسطین کا مسئلہ حل نہیں ہو جاتا پاکستان اس قسم کے کسی معاملے سے الگ رہے گا۔
وزیر خارجہ بلاول بھٹو نے وزیراعظم شہباز شریف کی تقریر کے حوالے سے پریس کانفرنس کی اور بین الاقوامی صحافیوں کے مختلف سوالوں کے جواب دئیے، بلاول بھٹو زرداری نے ایک سوال کے جواب کہا کہ پاکستان میں سیلاب سے آنے والی تباہی کے بعد عالمی برادری کا ریسکیو کے کاموں میں آگے آنا کافی حوصلہ افزاء ہے۔ جس کے لیے ہم انکے شکرگزار ہیں، موسمیاتی تبدیلی کے باعث پاکستان میں شدید سیلاب آیا ہے جس سے ہونے والی تباہی کا سکیل اتنا بڑا ہے کہ ہمیں سپورٹ کی بہت زیادہ ضرورت ہے۔
