ہر جان قیمتی، مگر پی ٹی آئی لاشوں کی سیاست کرنا چاہتی ہے۔ شرجیل میمن

شرجیل میمن

کراچی (پاک صحافت) شرجیل انعام میمن نے کہا ہے کہ ہر جان قیمتی ہے، مگر پی ٹی آئی لاشوں کی سیاست کرنا چاہتی ہے۔

تفصیلات کے مطابق میڈیا سے گفتگو کرتے ہوئے شرجیل میمن نے کہا کہ اگر کوئی شخص جاں بحق ہوا ہے تو نہ کوئی نام سامنے آیا نہ تفصیل، اگر پُرامن احتجاج تھا تو پولیس اہلکاروں کو کیسے یرغمال کیا گیا۔

شرجیل میمن کا مزید کہنا تھا کہ خیبرپختونخوا حکومت نے اپنے کارکنان کو آنسو گیس کے شیل دیئے، وفاقی حکومت نے دھرنا ایک جگہ کرنے کا کہا، مگر وہ نہ مانے، دھرنے میں ایک بھی لیڈر نظر نہیں آیا، سب کریک ڈاؤن سے پہلے ہی بھاگ گئے۔

صوبائی وزیر نے کہا کہ انہوں نے اپنے کارکنان کو بے وقوف بنایا، کے پی کے سے سرکاری مشینری کے ہمراہ اسلام آباد پر یلغار کی گئی، پی ٹی آئی کے پی کے پر حکومت کا حق کھو چکی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے