paksahafat پاک صحافت
Related Articles
کراچی (پاک صحافت) مفتاح اسماعیل کا کہنا ہے کہ پی ٹی آئی کی نااہل و نالائق حکومت جاتے جاتے اگلی حکومت کے لئے ایٹم بچھا رہی ہے، عمران خان جان بوجھ کر معاملات بگاڑ رہے ہیں۔
تفصیلات کے مطابق مسلم لیگ ن کے رہنما مفتاح اسماعیل نے کہا ہے کہ شوکت ترین نے معیشت کا بیڑہ غرق کر دیا ہے، عمران خان نے پہلے چین اور پھر مغرب سے بھی لڑائی لے لی، خان صاحب نے پہلے سی پیک بند کر کے چین سے اور اب یورپی یونین سے لڑائی لے لی ہے۔
مفتاح اسماعیل کا مزید کہنا ہے کہ آج پاکستان میں مہنگائی بھارت اور بنگلہ دیش سے زیادہ ہے، عمران خان کہا کرتے تھے کہ مہنگائی زیادہ ہو تو سمجھ جائیں کہ وزیر اعظم چور ہوتا ہے۔ حکومت جاتے ہوئے آئی ایم ایف سے ڈیل توڑ رہی ہے، حکومت نے آئی ایم ایف کی اجازت کے بغیر ایمنسٹی دی، اس کے فیٹف پر اثرات پڑیں گے۔
Short Link
Copied
