اسلام آباد (پاک صحافت) ورچوئل یونیورسٹی اور نیوٹک کے درمیان مفاہمت کی یادداشت پر دستخط کی تقریب ہوئی۔ اس تقریب میں نگراں وفاقی وزیرِ تعلیم مدد علی نے بطور مہمانِ خصوصی شرکت کی۔
تفصیلات کے مطابق یونیورسٹی کے ترجمان نے بتایا کہ ورچوئل یونیورسٹی آن لائن فنی تعلیم عام کرنے میں نیوٹک کی مدد کرے گی اور دور دراز پسماندہ علاقوں تک جدید ترین فنی تعلیم عام کی جائے گی۔
واضح رہے کہ اس حوالے سے ریکٹر ورچوئل یونیورسٹی آف پاکستان پروفیسر ڈاکٹر ارشد سلیم بھٹی کا کہنا ہے کہ کوشش ہے کہ زیادہ سے زیادہ طلباء کو انرول کیا جائے۔