paksahafat پاک صحافت
Related Articles
اسلام آباد (پاک صحافت) خواجہ سعد رفیق کا کہنا ہے کہ ملک میں بحرانی کیفیت پیدا کرنا عمران نیازی کا شیطانی ایجنڈا ہے۔
تفصیلات کے مطابق وزیر ریلوے و ہوا بازی خواجہ سعد رفیق نے سماجی رابطے کی ویب سائٹ پر ایک بیان جاری کرتے ہوئے کہا ہے کہ معاشی بحران اور سر اٹھاتی دہشت گردی کا مقابلہ کرنے کی بجائے پاکستان میں بحرانی کیفیت پیدا کئے رکھنا شیطانی عمرانی ایجنڈا ہے۔ تم توڑ لو پنجاب اسمبلی۔ اب آو! قومی اسمبلی سے اجتماعی استعفے دینے کا شوق بھی پورا کرلو۔ ہم کام کرتے رہیں گے تم لڈیاں ڈالتے رہنا۔
خواجہ سعد رفیق کا مزید کہنا ہے کہ عمران نیازی نے جس کا کھایا اسی کی تھالی میں چھید کیا، ساری توانائی، وقت اور ریاستی وسائل سنجیدہ کام کرنے کی بجائے جھوٹے پروپیگنڈے، لوٹ مار، اقربا پروری، انتقامی کارروائیوں اور گند ڈالنے پر صرف کئے، پاکستان کو ڈیفالٹ کے کنارے لا کھڑا کیا، ذاتی مفاد کیلئے قومی مفاد قربان کیا۔
