paksahafat پاک صحافت
Related Articles
لاہور (پاک صحافت) رہنما مسلم لیگ ن جاوید لطیف نے کہا ہے کہ اگر عمران خان کی دباؤ کے تحت رہائی ہوئی تو یہ غلامی ہوگی۔
تفصیلات کے مطابق جاوید لطیف نے کہا ہے کہ مذاکراتی کمیٹی کی بانی پی ٹی آئی سے آج نہیں تو کل ملاقات ہو جائے گی، عمران خان کو اپنے رویے پر غور کرنا چاہیے۔ مذاکرات جب کسی دباؤ یا این آر او کے لیے ہوں گے تونیتجہ خیز نہیں ہوں گے، عالمی قوتوں کی جانب سے دباؤ ہے کوئی مانے یا نہ مانے، میں تو بڑا کلیئر ہوں، پاکستان کے اندر مداخلت ہورہی ہے۔
رہنما ن لیگ جاوید لطیف کا مزید کہنا تھا کہ امریکا میں ایک لابنگ فرم کی خدمات لی گئی ہیں ، اگر عمران خان کی دباؤ کے تحت رہائی ہوگی تو یہ غلامی ہوگی، قوم یہ غلامی قبول نہیں کرے گی۔
ایک سوال کے جواب میں انہوں نے کہا کہ قائد مسلم لیگ ن نوازشریف نے پریشر کے باوجود ایٹمی دھماکے کیے تھے۔
Short Link
Copied
