paksahafat پاک صحافت
Related Articles
اسلام آباد (پاک صحافت) وفاقی وزیر اور پاکستان مسلم لگ ن کے سیکریٹری جنرل احسن اقبال نے سابق وزیر اعظم اور پاکستان تحریک انصاف (پی ٹی آئی) کے چیئرمین کو مشورہ دیتے ہوئے کہا ہے کہ اب انہیں منفی سیاست ترک کرنی چاہیئے۔
تفصیلات کے مطابق نجی ٹی وی چینل کے پروگرام میں گفتگو کرتے ہوئے وفاقی وزیر احسن اقبال نے کہا کہ عمران خان نے جہاں اتنی غلطیوں کا اعتراف کیا ہے وہاں یہ بھی تسلیم کرلیں کہ انہوں نے اسمبلی چھوڑ کر غلطی کی۔
واضح رہے کہ اس موقع پر احسن اقبال کا کہنا تھا کہ عمران خان اسمبلیوں میں واپس آئیں اور انتخابی اصلاحات کے پیکیج پر کام کریں، تاکہ اگلے انتخابات میں تنازع پیدا نہ ہو۔ انہوں نے مزید کہا کہ ہمیں کم از کم 10 سال کا استحکام چاہیے، سیاست میں 20 ٹوئنٹی ترک کرکے ٹیسٹ کرکٹ والا ٹمپرامنٹ اپنانا ہوگا۔
Short Link
Copied
