paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ جسٹس فائز کیخلاف جھوٹا ریفرنس دائر کرنیوالوں کو عدلیہ کی بات کرتے شرم آنی چاہیے۔
تفصیلات کے مطابق وفاقی وزیر داخلہ رانا ثناءاللہ ںے شاہ محمود قریشی کے بیان پر ردعمل دیتے ہوئے کہا ہے کہ ڈبہ پیر، ڈبو، عمران کا ڈاکو اور دانشور منتظر ہیں کہ کب عمران نااہل ہو اور وہ پارٹی قیادت سنبھالے، زمان پارک کا رنگ باز اور ملتان کا ڈبہ پیرسپریم کورٹ کے اکثریتی ججوں کی رائے کی توہین کررہے ہیں۔
رانا ثناءاللہ کا مزید کہنا ہے کہ مداریوں کے ہاتھ میں تین ڈگڈگیاں ہیں جو وہ زور زور سے بجا رہے ہیں خاتون جج کو دھمکیاں دینے والے تین ججوں کے حامی وترجمان بن گئے ہیں۔
انہوں نے کہا کہ عمران ٹولہ ہمیشہ آئین، انصاف اور عوام کے خلاف کھڑا ہوتا ہے عدالت پہ پتھر مارنے والے بے شرم جج کو گالی اور دھمکی دینے والے عدالت کے احترام کا بھاشن دے رہے ہیں۔
