paksahafat پاک صحافت
Related Articles
لاہور (پاک صحافت) سابق وزیر اعظم شہبازشریف نے کہا ہے کہ الیکشن ہر صورت اپنے مقررہ وقت پر ہوں گے، نواز شریف میرے لیڈر ہیں اور میں اُن کا کارکن ہوں، مینڈیٹ ملا تو نواز شریف ہی وزیر اعظم بنیں گے۔اُنہوں نے کہا کہ بطور وزیر اعظم سب سے بڑی کامیابی یہ تھی کہ ملک کو ڈیفالٹ سے بچالیا۔
تفصیلات کے مطابق سابق وزیر اعظم شہباز شریف نے نجی ٹی وی چینل سے گفتگوکرتے ہوئے کہا کہ گفتگو کرتے ہوئے بتایا کہ جب میں فجر کی نماز پڑھ کر فارغ ہوا تو آئی ایم ایف کی ایم ڈی کی کال آگئی کہ پاکستان کے ساتھ معاہدہ بحال ہوگیا، یہ میرے لیے سب سے بڑی خوشی تھی۔ انہوں نے کہا کہ سیاست میں ضد سے نہیں، معاملات کو مذاکرات سے حل کرنے کی کوشش کرنی چاہیئے۔
واضح رہےکہ شہباز شریف نے کہا کہ مختلف سیاسی جماعتوں سے الیکشن میں اتحاد ممکن ہے، وزیر اعظم ہاؤس کے تمام اخرجات خود اپنی جیب سے ادا کیے۔ اُنہوں نے کہا کہ مجھ پر تو سیاسی مقدمات بنے، سب کچھ برداشت کر لیا لیکن بیٹی اور بھتیجی کو بھی عدالتوں اور جیلوں میں گھسیٹنا ناقابل برداشت تھا۔
