اعظم سواتی نے جو بیانات دیے وہ بیان دینا کسی کو زیب نہیں دیتا، رانا ثنااللہ

رانا ثناء اللہ

اسلام آباد (پاک صحافت) وفاقی وزیر داخلہ رانا ثناء اللہ نے اعظم سواتی کو کڑی تنقید کا نشانہ بناتے ہوئے کہا ہے کہ اعظم سواتی نے جو بیانات دیے وہ بیان دینا کسی کو زیب نہیں دیتا۔  خیال رہے کہ نجی مال سیل کرنے سے متعلق انہوں نے کہاکہ نجی مال کو سیل کرنے سے متعلق مجھے اور وزیرِ اعظم کو قطعی کوئی علم نہیں تھا، جب پتہ چلا تو شہباز شریف نے فوری مال ڈی سیل کرنے کے احکامات دیے۔

تفصیلات کے مطابق نجی ٹی وی چینل کے پروگرام میں گفتگو کرتے ہوئے رانا ثناء اللّٰہ نے کہا کہ سپریم کورٹ کا ہیومن رائٹس کمیشن بھی ارشد شریف قتل کیس کو دیکھ رہا ہے، ہمیں فیکٹ فائنڈنگ کمیٹی کی رپورٹ کا انتظار تھا، ہمیں لگا کہ شاید سپریم کورٹ ہیومن راٹس کمیشن سے کوئی ڈائریکشن آئے۔

واضح رہے کہ وزیرِ داخلہ نے کہا کہ حکومت کو ارشد شریف قتل پر جوڈیشل کمیشن بنانے پر کوئی اعتراض نہیں ہے۔ ایسے کیسز میں انویسٹی گیشن جے آئی ٹی کرتی ہے جس کا فیصلہ ہو چکا، جے آئی ٹی میں قابل افسران رکھے جائیں گے، تمام ایجنسیز کے لوگ شامل ہوں گے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں