paksahafat پاک صحافت
Related Articles
پاک صحافت لبنان میں حزب اللہ کے سربراہ سید حسن نصر اللہ نے اسرائیلیوں کو خبردار کیا ہے کہ کوئی بھی غلط فہمی ایک مکمل جنگ میں بدل جائے گی اور اسرائیل پر ہر طرف سے حملہ کیا جائے گا۔
اسرائیل کے قبضے سے جنوبی لبنان کی آزادی کی سالگرہ کے موقع پر خطاب کرتے ہوئے سید حسن نصر اللہ نے جمعرات کی شب کہا کہ اگر جنگ ہوئی تو لاکھوں فوجی میدان میں اتریں گے۔ انہوں نے کہا کہ صدی کی ڈیل جیسے منصوبے ناکام ہو چکے ہیں اور دنیا میں امریکہ کی بالادستی ختم ہو چکی ہے، دنیا کثیر قطبی نظام کی طرف بڑھ رہی ہے جو اسرائیل کے لیے انتہائی تشویشناک ہے۔
سید حسن نصر اللہ نے کہا کہ 2000 میں اسرائیل نے جنوبی لبنان چھوڑا، اسی طرح اسے غزہ کی پٹی سے نکلنا پڑا، جس کے بعد گریٹر اسرائیل کا خواب ختم ہوگیا۔ سیان نصر اللہ نے کہا کہ اب اسرائیل خود کو دیواروں کے پیچھے بند کر چکا ہے۔
انہوں نے اپنے خطاب میں اسرائیل کی اندرونی صورتحال پر بات کرتے ہوئے کہا کہ آج اسرائیل اندر سے ٹکڑوں میں بٹا ہوا ہے جبکہ اس کے مقابلے میں اسلامی مزاحمتی محاذ متحد، مربوط اور مضبوط ہے۔
سید حسن نصر اللہ نے کہا کہ اسرائیلی اس وقت بھاگنے کے لیے تیار ہیں، ہمیں فلسطین کی آزادی کی امید ہے اور ہم مسجد الاقصی میں جاکر نماز ادا کرنے کی امید رکھتے ہیں۔
حزب اللہ کے رہنما نے بعض ممالک کے ساتھ اسرائیل کے معاہدوں کا حوالہ دیتے ہوئے کہا کہ اسرائیل نے بعض حکومتوں کے ساتھ مذاکرات کرنے میں کامیاب ہوئے ہیں لیکن عوام نے اسے بالکل قبول نہیں کیا اور عرب حکومتیں بھی عوام پر معاہدوں کو مسلط کرنے میں ناکام رہی ہیں۔
حزب اللہ کے سربراہ نے کہا کہ اسرائیلیوں نے اب دھمکیاں دینا بند کر دیا ہے کیونکہ اس کا اسرائیل میں سیاحوں کی تعداد پر بہت زیادہ اثر پڑتا ہے۔
