paksahafat پاک صحافت
Related Articles
پاک صحافت فلسطین کی اسلامی مزاحمتی تنظیم حماس نے غاصب صیہونی حکومت کو خبردار کیا ہے کہ وہ غیر قانونی طور پر مقبوضہ مغربی کنارے میں اسرائیلی فوجیوں کے ہاتھوں فلسطینی شہریوں کے قتل عام پر سخت ردعمل کا اظہار کرے گا۔
قابل ذکر ہے کہ بدھ اور جمعرات کی درمیانی شب 24 گھنٹوں کے دوران اسرائیلی فوجیوں نے الگ الگ حملوں میں کم از کم چار فلسطینیوں کو ہلاک کر دیا۔
جمعہ کو حماس کے ترجمان حازم قاسم نے اسرائیلی فوج کے ان حملوں کو دہشت گردی قرار دیتے ہوئے کہا کہ صہیونی دہشت گردی فلسطینی قوم کے حوصلے پست نہیں کر سکتی۔
قاسم نے کہا کہ یہ انتہائی شرمناک بات ہے کہ ایک ایسے وقت میں جب صیہونی فوجی روزانہ کی بنیاد پر فلسطینیوں کو قتل کر رہے ہیں، بعض عرب ممالک اسرائیل کے ساتھ تعلقات کو معمول پر لانے کی سازش کر رہے ہیں۔
حماس کے انتباہ سے چند گھنٹے قبل ایک 18 سالہ فلسطینی نوجوان عبدالہادی فخری یوسف نزال کو اسرائیلی فوجیوں نے گولی مار کر ہلاک کر دیا تھا۔
فلسطینی وزارت صحت کی رپورٹ کے مطابق 2023 کے آغاز سے اب تک یعنی گزشتہ 12 دنوں میں اسرائیلی فوجیوں نے 3 بچوں سمیت 9 فلسطینیوں کو شہید کیا ہے۔
