paksahafat پاک صحافت
Related Articles
پاک صحافت اسلامی جمہوریہ ایران کی وزارت انٹیلی جنس نے کہا ہے کہ اسرائیل کی خفیہ ایجنسی موساد کے لیے کام کرنے والی جاسوسی ٹیموں کے 23 ارکان کی شناخت کر لی گئی ہے جن میں سے 13 کو گرفتار کر لیا گیا ہے۔
وزارت انٹیلی جنس نے ایک بیان میں کہا ہے کہ ایرانی انٹیلی جنس کی انتھک محنت کے نتیجے میں ملک کے اندر موساد کے لیے کام کرنے والی چار ٹیموں کا سراغ لگایا گیا اور 23 جاسوسوں کی نشاندہی کی گئی جو آپریشنل اور معاون کردار ادا کر رہے تھے۔ بیان کے مطابق 13 جاسوسوں کو گرفتار کیا گیا ہے۔ یہ ٹیمیں تہران، اصفہان، یزد، مغربی آذربائیجان اور گلستان صوبوں میں سرگرم تھیں۔
ان ٹیموں کی سربراہی کرنے والا جاسوس سیروس نامی شخص ہے جو یورپی ملک میں رہتا ہے اور انسٹاگرام اور واٹس ایپ کے ذریعے جاسوسوں کی ٹیمیں بنا کر ایران کے اندر کارروائیاں کر رہا ہے۔
یہ جاسوسی ٹیمیں ایران میں حالیہ ہنگامہ آرائی کی آڑ میں ایک اعلیٰ فوجی افسر کو قتل کرنے کے ساتھ ساتھ بڑے شہروں میں تخریبی کارروائیاں کرنے کی کوشش کرنا چاہتی تھیں۔ ان ٹیموں نے ملک کی جنوبی سمندری سرحد کے ذریعے دھماکہ خیز مواد ایران میں لانے کی کوشش کی لیکن انہیں پکڑ لیا گیا۔
یہ پچھلے چھ ماہ میں اسرائیل کی سب سے بڑی انٹیلی جنس ناکامی ہے۔
