paksahafat پاک صحافت
Related Articles
پاک صحافت گزشتہ 24 گھنٹوں کے دوران اسرائیلی فوجیوں نے دو فلسطینی لڑکوں سمیت چار افراد کو گولی مار کر شہید کر دیا ہے۔
فلسطین کی سرکاری خبر رساں ایجنسی وفا کی رپورٹ کے مطابق ہفتے کی علی الصبح اسرائیلی فوجیوں نے جنین میں پناہ گزینوں کے کیمپ پر دھاوا بول دیا۔
صہیونی فوجیوں کے چھاپوں کے دوران ایمبولینسوں اور صحافیوں کو کیمپ میں داخل ہونے کی اجازت نہیں تھی۔ اس دوران اسرائیلی فوجی ہیلی کاپٹر کیمپ کے اوپر بہت کم اونچائی پر پرواز کرتے رہے۔
اسرائیلی فوجیوں نے لائیو رپورٹنگ کرنے والے صحافیوں پر براہ راست فائرنگ کی۔
غیر قانونی طور پر مقبوضہ فلسطین میں فلسطینی اتھارٹی کے وزیر صحت کا کہنا ہے کہ دو 17 سالہ لڑکوں احمد محمد اور محمود کو سر اور گردن میں گولیاں ماری گئیں۔
اسرائیلی فوجیوں نے حملے سے چند گھنٹے قبل مغربی کنارے میں دو دیگر فلسطینی لڑکوں کو گولی مار کر ہلاک کر دیا۔
فلسطینی وزارت صحت کا کہنا ہے کہ 14 سالہ عادل ابراہیم کو اسرائیلی فوجیوں نے قلقیلہ شہر میں سر میں گولی ماری۔ اس کے علاوہ 17 سالہ مہدی محمد کو بھی صہیونی فوجیوں نے گولی مار کر ہلاک کر دیا۔
