paksahafat پاک صحافت
Related Articles
تھران {پاک صحافت} اسلامی جمہوریہ ایران کی وزارت خارجہ نے امریکی صدر جو بائیڈن کے دورہ مغربی ایشیا کے دوران لگائے گئے الزامات کو مسترد کرتے ہوئے کہا ہے کہ بے بنیاد بیان بازی خطے میں کشیدگی اور تنازعات کو بڑھانے کی واشنگٹن کی سازش کا حصہ ہے۔
ترجمان وزارت خارجہ ناصر کنانی نے کہا کہ امریکا دنیا کا وہ ملک ہے جس نے ایٹمی حملہ کیا، امریکا دوسرے ممالک کے اندرونی معاملات میں مسلسل مداخلت کا ریکارڈ رکھتا ہے، امریکا خطے کے ممالک کو ہتھیار اور فوجی ساز و سامان فروخت کرتا ہے۔ ایرانو فوبیا پھیلانے کی پالیسی کو دہرانے کی کوشش کی گئی ہے۔
ناصر کنانی نے امریکہ کی طرف سے اسرائیل کی دہائیوں سے جاری اندھی وکالت کا حوالہ دیتے ہوئے کہا کہ صیہونی حکومت کے فلسطینی علاقوں اور بیت المقدس پر ناجائز قبضے کے جرم میں امریکہ پوری طرح ملوث ہے۔
وزارت خارجہ کے ترجمان نے ایران کی اصولی پالیسی پر زور دیتے ہوئے کہا کہ ایران ایک جوہری پروگرام پر عمل پیرا ہے جس کا مقصد سویلین اہداف ہے اور وہ بین الاقوامی قوانین کی حدود میں اپنی سرگرمیاں جاری رکھے گا۔ انہوں نے کہا کہ امریکہ کئی سالوں سے ایران کے سویلین جوہری پروگرام کے خلاف بے بنیاد الزامات لگا رہا ہے جبکہ اسرائیل کے جوہری ہتھیاروں کو بار بار نظر انداز کر رہا ہے۔
ناصر کنانی نے کہا کہ ایران ہمسایہ ممالک کے ساتھ مذاکرات کی پالیسی پر قائم ہے اور اپنے ہمسایوں کے ساتھ اچھے تعلقات کا خیر مقدم کرتا ہے۔
