paksahafat پاک صحافت
Related Articles
بیجنگ {پاک صحافت} چین کا کہنا ہے کہ امریکہ کو ایران کی قانونی تشویش کا بہت جلد جواب دینا چاہیے۔
چینی وزارت خارجہ کے ترجمان نے امریکہ کو آئی اے ای کے بورڈ آف گورنرز میں ایران کے خلاف کسی بھی غیر تعمیری اقدام سے خبردار کیا ہے۔
بورڈ آف گورنرز کی جانب سے ایران کے خلاف کسی بھی ممکنہ کارروائی کے حوالے سے پوچھے گئے ایک سوال کے جواب میں زو لیجیان نے کہا کہ چین اس سلسلے میں ایران کے خلاف کسی بھی اقدام کی مخالفت کرتا ہے۔ چینی ترجمان نے کہا کہ حقیقت یہ ہے کہ دباؤ میں کچھ نہیں کیا جا سکتا بلکہ اس سے صورتحال مزید پیچیدہ ہو جائے گی۔
انہوں نے کہا کہ ہم سمجھتے ہیں کہ موجودہ حالات میں یہ ہم سب کی ذمہ داری بنتی ہے کہ ہم مذاکرات کو کسی بھی نتیجے تک پہنچانے کا کردار ادا کریں اور جوہری معاہدے کو دوبارہ درست راستے پر لایا جائے۔
یاد رہے کہ اسلامی جمہوریہ ایران نے بین الاقوامی ایٹمی توانائی ایجنسی کی حالیہ رپورٹ کو دونوں فریقوں کے درمیان خراب ہونے والے تعلقات سے تعبیر کیا ہے۔
اس تناظر میں ایران کی وزارت خارجہ کے ترجمان سعید خطیب زادہ کا کہنا ہے کہ تہران کا جوہری پروگرام مکمل طور پر پرامن ہے۔ انہوں نے کہا کہ تمام غیر معنی خیز اقدامات اور اس کے نتائج کی ذمہ داری ان لوگوں پر عائد ہو گی جو آئی اے ای اے کی رپورٹ کو ایک چال کے طور پر استعمال کر رہے ہیں۔
