paksahafat پاک صحافت
Related Articles
تھران {پاک صحافت}اسلامی جمہوریہ ایران کے وزیر پیٹرولیم نے کہا ہے کہ ہم نے تیل کو ایسی جگہوں تک پہنچایا ہے جس کا امریکہ تصور بھی نہیں کرسکتا۔
پیٹرولیم کے وزیر جواد اوزی نے کہا کہ ایرانی آئل ٹینکر کو قبضے میں لینے کی امریکی کوششوں کے باوجود ایران تیل کی فروخت اور برآمدات بڑھانے اور قیمت حاصل کرنے میں کامیاب رہا ہے۔
فارس نیوز ایجنسی سے بات کرتے ہوئے وزیر پیٹرولیم نے کہا کہ ایران کے صدر ڈاکٹر سید ابراہیم رئیسی نے سابق وزیر پیٹرولیم بیجان نامدار زنگنے کی مایوسی پر مبنی پیشین گوئیوں کے باوجود ایران کے تیل کی برآمد اور ملک کے تیل کی فروخت میں اضافے کے لیے ہر ممکن کوشش کی ہے۔
انہوں نے کہا کہ امریکہ نے ہمیں روکنے کے لیے اس سے بھی زیادہ بنیاد پرست رویہ اختیار کیا۔ انہوں نے ان دعوؤں کو مسترد کر دیا کہ بائیڈن انتظامیہ نے ایران پر پابندیوں میں نرمی کی ہے۔
ایران کے وزیر پیٹرولیم کا کہنا تھا کہ دشمن نے نہ صرف پابندیوں میں نرمی نہیں کی بلکہ ایرانی بحری جہازوں پر قبضے کی کوشش کرکے اس عمل کو پیچیدہ بھی کردیا ہے تاکہ ایران اپنا تیل برآمد نہ کرسکے۔
