paksahafat پاک صحافت
Related Articles
لبنان {پاک صحافت} حزب اللہ نے کہا ہے کہ آسٹریلیا نے امریکی اور صیہونی احکامات کی وجہ سے مزاحمتی تنظیم کے خلاف کارروائی کی ہے۔
لبنان کی اسلامی مزاحمتی تحریک نے اعلان کیا ہے کہ اس تنظیم کو دہشت گردوں کی فہرست میں ڈالنے کا کام آسٹریلیا اور امریکا کی ایماء پر کیا گیا ہے۔
حزب اللہ نے ایک بیان جاری کرتے ہوئے آسٹریلوی حکام کے اس فیصلے کی شدید مذمت کی ہے۔ بیان میں کہا گیا ہے کہ حالیہ فیصلہ اور بعض مغربی ممالک کی جانب سے کیے گئے اسی طرح کے دیگر فیصلے کسی بھی صورت میں لبنانی قوم کے حوصلے پست نہیں کریں گے۔
بیان کے مطابق آسٹریلیا کا فیصلہ کسی بھی صورت میں حزب اللہ سے اپنے وطن اور لبنانی قوم کی سلامتی کا حق نہیں چھین سکتا۔ حزب اللہ کا کہنا ہے کہ ناجائز صیہونی حکومت کے تسلط کی مخالفت اور مزاحمتی تحریکوں کی حمایت جاری رہے گی، اس میں کوئی تبدیلی نہیں آئے گی۔
حزب اللہ کا یہ بیان آسٹریلوی حکومت کی جانب سے بدھ کو حزب اللہ کو دہشت گرد گروہوں کی فہرست میں شامل کرنے کے فیصلے کے بعد سامنے آیا ہے۔ آسٹریلیا نے یہ قدم ناجائز صیہونی حکومت کی لابنگ کے بعد اٹھایا ہے۔
قابل ذکر ہے کہ امریکہ اور صیہونی حکومت کئی سالوں سے لبنان کے اندر اور باہر حزب اللہ کی مقبولیت کو تباہ کرنے کی کوششیں کر رہی ہے۔
