paksahafat پاک صحافت
Related Articles
قدس {پاک صحافت} صیہونی حکومت کے شدید حملوں اور بم دھماکوں کے درمیان ، مسجد اقصی میں ایک لاکھ سے زائد فلسطینیوں نے عید الفطر کی نماز ادا کی۔
فارس نیوز ایجنسی کی رپورٹ کے مطابق ، بیت المقدس کے اسلامی وقف بورڈ نے اعلان کیا ہے کہ جمعرات کی صبح ایک لاکھ فلسطینی نمازیوں نے سخت حفاظتی انتظامات کے تحت مسجد اقصیٰ میں عید الفطر کی نماز ادا کی۔
رپورٹ میں بتایا گیا ہے کہ فلسطینیوں کے چہرے پر خوف کا کوئی سراغ نہیں ملا ہے اور وہ اللہ اکبر کے نعرے کے ساتھ مسجد اقصیٰ میں نہایت پر سکون انداز میں نماز پڑھ رہے تھے۔
فلسطینیوں کے بڑھتے ہوئے ہجوم کے پیش نظر اسرائیلی فوجیوں نے بقیہ فلسطینیوں کو مسجد اقصیٰ میں نماز پڑھنے سے روک دیا۔ اس رپورٹ میں کہا گیا ہے کہ اسرائیلی فوجیوں نے بیت المقدس اور گردونواح میں فلسطینیوں کی بڑھتی ہوئی تعداد کے پیش نظر صرف بوڑھوں کو ہی نماز پڑھنے کی اجازت دی۔
