paksahafat پاک صحافت
Related Articles
قاہرہ (پاک صحافت) الجزیرہ کے صحافی احمد النجدی، جنہیں مصری حکومت نے اگست 2020 سے حراست میں لے رکھا تھا، بغیر کسی سزا کے رہا کردیا گیا ہے۔
تفصیلات کے مطابق مصری جیل سے رہائی پانے والی الجزیرہ کے صحافی نے ایک انٹرویو میں کہا ہے کہ میں ہمیشہ دعا کرتا تھا کہ مجھے جیل سے رہائی ملی اور میں اپنے خاندان کے ساتھ ملاقات کرسکوں۔ بالآخر میری دعا قبول ہوئی اور آج مجھے رہائی مل گئی ہے۔
یاد رہے کہ مصری حکومت کی جانب سے النجدی کے علاوہ ان کے تین ساتھیوں ربیع الشیخ، ہشام عبدالعزیز اور بہاءالدین ابراہیم کو بھی گرفتار کیا گیا تھا جبکہ الجزیرہ نے ان کی رہائی کا بار بار مطالبہ کیا۔ عرب میڈیا کے مطابق النجدی کی رہائی کا عبدالفتاح السیسی کے حالیہ دورہ قطر سے کوئی تعلق نہیں ہے، خاص طور پر چونکہ یہ کہا جاتا ہے کہ مصری صدر نے قطر کے امیر سے ملک کی تباہ حال معیشت میں مدد کی درخواست کی۔
