paksahafat پاک صحافت
Related Articles
تل ابیب (پاک صحافت) صہیونی ٹی وی نے مختلف سیکیورٹی اور سیاسی مشنوں کو انجام دینے میں موساد کی کرایہ دار خواتین کے کردار سے متعلق ایک اہم رپورٹ میں انکشاف کیا ہے کہ انہوں نے خلیج فارس کی سرحد سے متصل ممالک اور اسرائیلی حکومت کے مابین تعلقات کو معمول پر لانے میں اہم کردار ادا کیا ہے۔
تفصیلات کے مطابق صہیونی ٹی وی چینل 12 پر نشر ہونے والی “اسرائیلی انٹلیجنس سروس میں خواتین کی دنیا پر ایک نظر” کے عنوان سے شائع ہونے والی اس رپورٹ میں خلیج فارس کے عرب ممالک کے ساتھ موساد کے تعلقات کو مستحکم کرنے میں موساد کی کرایہ دار خواتین کے موثر کردار پر روشنی ڈالی گئی ہے۔
القدس العربی عربی اخبار کے مطابق، رپورٹ میں بتایا گیا ہے کہ “یوسی کوہن” نے ان آٹھ خواتین کو میڈلز سے نوازا ہے ، اور ان خواتین میں سے ایک نے خلیج فارس کے ممالک کے ساتھ موساد تعلقات کو مستحکم کرنے میں کلیدی کردار ادا کیا ہے اور اس ملک نے اسرائیل کے ساتھ روابط برقرار کرلیئے ہیں۔
اس رپورٹ کے مطابق ، “یایل”نامی خاتون نے وسطی بیروت میں آپریشن ربیع الشباب میں حصہ لیا ، لیکن موساد کا وہ سب سے خطرناک آپریشن جس میں یایل نے حصہ لیا تھا وہ ایک فلسطینی رہنما اور تحریک فتح کےکمانڈر علی حسن سلامہ کا قتل میں تھا جسے 1979 میںقتل کیا گیا ، یہ مہم موساد کے مشہور رکن ایریکا چیمبرز کے ذریعہ کی گئی تھی ، جس نے بٹن دباکر بم دھماکہ کیا تھا۔
اس کے علاوہ موساد کی کرایہ دار خواتین نے فلسطین لبریشن آرگنائزیشن (پی ایل او) کے عہدیداروں کے گھروں پر مستقبل میں قاتلانہ کارروائیوں کے بارے میں بھی معلومات جمع کی ہیں۔
اس رپورٹ میں مزید انکشاف کیا گیا ہے کہ موساد خواتین دنیا بھر میں اپنے نقلی ناموں کا استعمال کرکے یہ مشن انجام دیتی ہیں لیکن ان سب میں سب سے کطرناک کام جو انہوں نے اکتوبر 1973 کی جنگ میں انجام دیا تھا وہ مصری فوج میں دراندازی کرتے ہوئے ان کےجہازوں اور ٹینکوں کی تعداد کو ریکارڈ کرکے یہ معلومات اسرائیل میں واقع موساد ہیڈ کوارٹر تک پہونچانا تھا۔
صہیونی ٹی وی چینل نے موساد خواتین کے مشنوں کی تفصیلات بتائے بغیر مزید کہا کہ وہ دنیا بھر میں اہم اور خطرناک کارروائیوں میں حصہ لیتی ہیں اور مختلف شکلوں میں یورپی اور عرب ممالک کا سفر کرتی ہیں۔
