paksahafat پاک صحافت
Related Articles
پاک صحافت اقوام متحدہ نے افغانستان کے شہر مزار شریف میں صحافیوں کی ایوارڈ تقریب پر حملے کی شدید مذمت کی ہے۔
افغانستان میں اقوام متحدہ کے دفتر نے ایک بیان جاری کیا ہے جس میں صحافیوں کی ایوارڈ تقریب پر دہشت گردانہ حملے کی مذمت کی گئی ہے۔
بیان میں کہا گیا ہے کہ افغانستان کے صحافی بڑی حوصلے سے اپنے فرائض سرانجام دے رہے ہیں۔ اقوام متحدہ کے مطابق ایسے صحافیوں کو تحفظ ملنا چاہیے۔ اس نے طالبان سے مطالبہ کیا ہے کہ وہ افغانستان میں میڈیا کے اہلکاروں کی حفاظت کو یقینی بنائے۔ ہفتے کے روز ہونے والے اس حملے میں کم از کم تین افراد ہلاک اور 30 زخمی ہو گئے تھے۔
زخمیوں میں زیادہ تر صحافی ہیں جن میں آئی آر آئی بی کی “دری” سروس سے تعلق رکھنے والے بھی شامل ہیں۔ تقریب تقسیم انعامات میں میڈیا کے نمائندوں کی بڑی تعداد موجود تھی۔ مزار شریف میں صحافیوں کی ایوارڈ تقریب پر حملے کی بھرپور مذمت کی گئی ہے۔ ایران کی وزارت خارجہ کے ترجمان، مزار شریف میں ایرانی قونصل خانہ، افغانستان میں تبیان ثقافتی مرکز اور وہاں موجود میڈیا کی حمایت کرنے والی تنظیموں نے بھی اس حملے کی شدید مذمت کی۔
