paksahafat پاک صحافت
Related Articles
پاک صحافت روسی وزارت خارجہ کے ایک اعلیٰ اہلکار نے کہا ہے کہ اگر یوکرین مذاکرات شروع کرنا چاہتا ہے تو اسے روس میں شامل چار علاقوں کے معاملے پر توجہ مرکوز کرنا ہو گی۔
روسی اہلکار الیکسی پولشچوک نے جمعے کے روز کہا کہ جب سے یوکرین نے بات چیت روک دی ہے، حالات کافی حد تک بدل چکے ہیں اور نئے علاقے روس میں ضم کر دیے گئے ہیں۔
پولشچوک نے کہا کہ اگر یوکرین مذاکرات دوبارہ شروع کرنا چاہتا ہے تو اسے اس نئی حقیقت کو مدنظر رکھنا ہوگا۔
انہوں نے یہ بھی کہا کہ ماسکو مذاکرات سے کبھی پیچھے نہیں ہٹا اور آئندہ بھی نہیں کرے گا۔
تاہم یوکرین کی وزارت دفاع نے حال ہی میں کہا تھا کہ روس کے ساتھ مذاکرات کی بحالی کے لیے ایک اہم شرط یوکرین کی سرحدوں سے روسی افواج کا انخلاء ہے۔ لیکن ماسکو کا موقف اس کے بالکل برعکس ہے اور وہ چاروں ضم شدہ خطوں کو چھوڑنا نہیں چاہتا۔
دریں اثنا، روس کی انسانی حقوق کی کمشنر تاتیانا موسکالکووا نے کہا ہے کہ ماسکو اور کیف مستقبل میں اپنے انسانی حقوق کمشنروں کے درمیان رابطے قائم کرنے میں دلچسپی رکھتے ہیں۔
۔
